भक्तपुर । माध्यमिक शिक्षा परीक्षा (एसईई)मा भक्तपुर जिल्लाका धेरै विद्यालयहरूमा अत्यन्त न्यून संख्यामा परीक्षार्थी सहभागी भएका छन्। तथ्यांकअनुसार २० वटा विद्यालयमा १० भन्दा कम विद्यार्थी मात्रै परीक्षामा सहभागी भएका छन्, जसले जिल्लाको शैक्षिक अवस्थामाथि गम्भीर प्रश्न उठाएको छ।
प्राप्त विवरणअनुसार, १ जनामात्र सहभागी हुने विद्यालय २ वटा रहेका छन्, स्कलर्स होम स्कुल र सिद्धिगणेश मावि (विहान)। यी दुवै विद्यालयमा ग्रेडवृद्धि परीक्षार्थी मात्र सहभागी छन्।
त्यस्तै, २ जनामात्र सहभागी हुने विद्यालय २ वटा (पुमोरी इङ्ग्लिश स्कुल र गणेश इङ्ग्लिश स्कुल) रहेका छन् भने ३ जनामात्र सहभागी हुनेमा वागेहिणी मावि रहेको छ।
४ जनामात्र सहभागी हुने विद्यालय ३ वटा(शान्ति निकेतन आवासीय मावि, जागृति मावि र बालबालिका इङ्ग्लिश स्कुल) छन्।
५ जनामात्र सहभागी हुनेमा होली गार्डेन इङ्ग्लिश स्कुल रहेको छ।
यस्तै, ६ जनामात्र सहभागी हुने विद्यालय २ वटा( ज्ञानतारा इङ्ग्लिश स्कुल र हिमशिखर इङ्ग्लिश स्कुल ) रहेका छन् भने ७ जनामात्र सहभागी हुने विद्यालय २ वटा (ब्लुबर्ड इङ्ग्लिश स्कुल र जागृति विद्या सदन) छन्।
त्यसैगरी, ८ जनामात्र सहभागी हुनेमा सिद्धिदास मावि रहेको छ भने ९ जनामात्र सहभागी हुने विद्यालय ६ वटा (फ्युचरस्टार इङ्ग्लिश स्कुल, सिद्धार्थ एकेडेमी, सुधासागर सदन, जेनिथ एकेडेमी, वेलफेयर एकेडेमी र प्रवेश एकेडेमी) रहेका छन्।
यसैबीच, १० जनामात्र सहभागी हुने विद्यालय ७ वटा( गणेश मावि, ताथली, जेनिथ इङ्ग्लिश स्कुल, तपोभूमि मावि, जनक सिद्धिकाली मावि, सिरुटार इङ्ग्लिश स्कुल, कालिका मावि र गुण्डु इङ्ग्लिश स्कुल ) रहेका छन्।
शिक्षाविद्हरूका अनुसार विद्यालयहरूमा यति न्यून संख्यामा विद्यार्थी हुनुका पछाडि विद्यार्थी आकर्षणमा कमी, निजी तथा सामुदायिक विद्यालयबीचको असन्तुलन, बसाइँसराइ, तथा गुणस्तरीय शिक्षाप्रतिको घट्दो विश्वास जस्ता कारणहरू जिम्मेवार हुन सक्छन्।
स्थानीय सरोकारवालाहरूले यस्ता विद्यालयहरूको अवस्था सुधार गर्न प्रभावकारी नीति, नियमित अनुगमन तथा गुणस्तरीय शिक्षामा विशेष जोड दिनुपर्ने आवश्यकता औंल्याएका छन्।
Sakincha ta yasko Sudhar Garna…K vo kunni?