काठमाडौं । “नेक्सस कबड्डी कप २०८२” मा छात्रातर्फ पारागन एकेडेमी विजेता बनेको छ । नेक्सस इन्टरनेशनल एकेडेमीद्वारा आयोजना गरिएको प्रतियोगितामा छात्रातर्फ भक्तपुरको पारागन एकेडेमीको टीमले प्रथम स्थान हासिल गरेको हाे । स्पर्धा छात्र र छात्रा गरि दुई समूहमा विभाजित गरि गरिएको थियाे ।
छात्रातर्फ नेक्सस एकेडेमीले प्रथम उपविजेता उपाधि हात पार्यो भने चामुण्डा र भिमेश्वर विद्यालयले संयुक्त रूपमा दोस्रो उपविजेताको स्थान ओगटेमाे थियाे । यस्तै छात्रतर्फ भिमेश्वर एकेडेमीले उत्कृष्ट प्रदर्शन गर्दै प्रथम स्थान हासिल गर्यो । त्यसैगरी, पारागन एकेडेमी प्रथम उपविजेता बन्न सफल भयो भने बालसुधार र गणेश हिमाल विद्यालय संयुक्त रूपमा दोस्रो उपविजेता बने ।
प्रतियोगितामा छात्रतर्फ बेस्ट रैडर आभास लागेजु, महिलातर्फ बेस्ट डिफेन्डर प्रकृति राई भएकी थिइन् । समापन समारोहमा आयोजक संस्थाले विजेता, उपविजेता र सहभागी टोलीलाई प्रमाणपत्र, ट्रफी र पदक प्रदान गर्यो । साथै, खेलकुदमार्फत विद्यार्थीको सर्वाङ्गीण विकास र टीमवर्कको महत्वबारे समेत जोड दिइयो ।
नेक्सस इन्टरनेशनल एकेडेमीका एचओडी प्रमुख कमल कटवालका अनुसार “नेक्सस कबड्डी कप” लाई प्रत्येक वर्ष निरन्तरता दिइनेछ र अझ बढी विद्यालयलाई सहभागितामा ल्याइने लक्ष्य रहेको छ ।