भक्तपुर । चाँगुनारायण नगरपालिका वडा नं. ७ वागेश्वरीका वडा सदस्यमाथि आक्रमण भएको छ ।
वडा सदस्य पुष्कर खड्कामाथि आइतबार दिउँसो ३.३० बजेकाे समयमा अज्ञात व्यक्तिहरूले आक्रमण गरेका महानगरीय प्रहरी प्रभाग जगातिले जनाएको छ । समूहले `एकछिन काम छ भनी बोलाई´ निर्घात कुटपिट गरी घाइते बनाएको खुलेकाे प्रहरीले जनाएको छ ।
प्रहरीले वडा सदस्यमाथि आक्रमण हुनुमा जग्गा सम्बन्धी विवाद भन्ने खुलेकाे जनाएको छ । घाइते खड्काकाे मध्यपुर अस्पतालमा उपचार भइरहेको छ । आक्रमणबाट खड्काकाे दायाँ आँखाकाे डिल सुन्निएकाे छ ।
आक्रमणकारी सिन्धुपाल्चोक घर भई हाल राधेराधे बस्दै आएका भन्ने जानकारी दिएको प्रहरीले नाम भने खुलाउन नमिल्ने जनाएको छ ।