भक्तपुर । नगरकोट भ्रमण बर्ष २०८२ लक्षितस्वच्छ वायु लामो आयु ´ बिषयक माध्यामिक विद्यालयस्तरीय वक्तृत्वकला प्रतियोगिता सम्पन्न भएको छ । “सरसफाइ नै सभ्यता हो, यहि भावना जगाऔं । सबै मिली चाँगुनारायणलाई स्वच्छ हराभरा बनाऔं ।´ भन्ने नाराका साथ चाँगुनारायण नगरपालिका खानेपानी, सरसफाइ तथा स्वच्छता (WASH) शाखाकाे आयाेजना तथा स्वच्छ हावा संजाल चाँगुनारायणकाे समन्वयमा मंगलबार उक्त प्रतियोगिता गरेकाे हाे ।
चाँगुनारायण नगरपालिकाका २५ माध्यमिक विद्यालयकाे सहभागितामा सम्पन्न प्रतियोगितामा महेन्द्रग्राम मा.विका विद्यार्थी प्रथम – श्रीजला दुलाल, दाेस्राे आरक्षण नेशनल एकेडमीका छात्रा जया दुलाल र तेस्रो फुलब्राइट ई. स्कुलका आकृति न्यौपाने भएका थिए ।
स्पर्धामा प्रज्ञा ईंग्लिश स्कुलका छात्र अथर्व कुमार कार्की सान्त्वना भएकाे आयाेजकले जनाएको छ । स्पर्धामा विजयी विद्यार्थीलाई एक समाराेहबीच नगरपालिकाले पुरस्कृत गरेकाे आयाेजक वास शाखा प्रमुख सुरेन्द्र लामिछानेले बताए ।
