भक्तपुर । ताथलीकाे ताथली हेल्थपाेेष्ट जिल्लाको पहिलो किशोर- किशोरीमैत्री स्वास्थ्य संस्था घाेषणा भएकाे छ ।
चाँगुनारायण नगरपालिका वडा नं. ९ ताथलीकाे ढुङ्गेनस्थित ताथली हेल्थपाेष्ट भक्तपुरकै पहिलो किशोर- किशोरी मैत्री स्वास्थ्य संस्था घाेषणा भएको हेल्थपाेष्ट इन्चार्ज हरिनारायण प्रसाद साहले जानकारी दिए ।
उनले स्वास्थ्य चाैकीले सबै मापदण्ड र सूचक पूरा गरी भक्तपुर जिल्लामा रहेका हेल्थपाेष्ट मध्ये पहिलो किशोर – किशोरी मैत्री स्वास्थ्य संस्था बनेकाे बताए ।
यसैबीच साे स्वास्थ्य चाैकीलाई चाँगुनारायण नगरपलिकाले प्रमाणपत्र प्रदान गरेकाे छ । नगरप्रमुख जीवन खत्रीले हेल्थपाेष्ट इन्चार्ज साहलाई उक्त प्रमाणपत्र हस्तान्तरण गरेेका थिए ।