भक्तपुर । यस वर्ष नेपालभाषा साहित्य तःमुंज्या भक्तपुरको न: पुखुमा हुने भएको छ । ४५ औं नेपालभाषा तःमुंज्याको ग्वसाखल ( आयाेजक) का अनुसार त:मुंज्या असोज १८ र १९ गते दुई दिन भक्तपुर नगरपालिका वडा नं २ स्थित न:पुखु परिसरमा हुने भएको छ । अहिले त्यसकाे तयारी तीब्र पारिएकाे छ ।
जनता म्वाःसा भाषा म्वाई (जनता रहे भाषा रहन्छ) भन्ने नाराका साथ विगत ४५४ वर्षदेखि दशैंको कौलाथ्व द्वादशी र त्रयोदशीका दिन साहित्यिक सांस्कृतिक सम्मेलन हुँदै आएको छ । सम्मेलन सफल पार्न रविन्द्र खर्बुजाको अध्यक्षतामा ४५ सदस्यीय ग्वसाखल गठन गरिएको छ ।
संयोजक खर्बुजाका अनुसार दुईदिने सम्मेलन सफल बनाउन १२ वटा उपसमिति गठन गरिएको छ । आयाेजक समितिका संयाेजक खर्बुजाले सम्मेलनमा करिब २५ लाख खर्च हुने अनुमान गरिएको जानकारी दिए । उक्त सम्मेलनका लागि विविध क्रियाकलाप गरिएकाे आयाेजक समितिका सचिव राजन जतिले बताए ।
सम्मेलनमा ३५ जना साहित्यकारले साहित्य वाचन गर्ने, ७ जना अतिथि साहित्यकार, ३० वटा सांस्कृतिक विधाकाे प्रस्तुतिकरण हुने आयाेजककाे भनाइ छ ।